top of page

《#元世代・讓品牌飛》 品嚐 .品牌故事02 十字牌牛奶

Updated: Mar 22, 2023



唔知大家有無飲過呢個 六十年代出產的十字牌牛奶呢?

依家早餐間唔中我都會去買返枝嚟飲,而見到佢個十字架logo,就好容易令人聯想起佢嘅出現同宗教有關,無錯,十字牌牛奶當初又真系嚟自位於香港大嶼山大水坑 天主教嘅隱修院——聖母神樂院。


品牌故事

源自1883年,法國天主教熙篤會的七泉修院在中國建立亞洲第一座熙篤會隱修院,更在1928年於河北正定成立分院聖母神樂院(Our Lady of Joy Abbey),1947年因國內局勢動蕩,遷至成都附近,兩年後再度逃亡,僅有16人成功逃到香港和北美,在1951年初在大嶼山搭木屋暫居,之後就決定於此重建聖母神樂院,並於1956年2月落成開幕。



在60年代初期,有熱心嘅教友送咗啲乳牛俾神樂院,希望居住喺大嶼山嘅神父、修士能夠享用到新鮮牛奶,神樂院亦都開始繁殖乳牛。神父見到乳牛生產出嚟嘅牛奶幼滑香濃,一於好嘢齊齊分享,開始供應牛奶俾希爾頓酒店、當地居民同遊客飲用,仲會將牛奶運出去賣,用嚟維持院內生活,「十字牌」牛奶亦慢慢逐漸地為香港人所知。



品牌定位 I 服務大眾


後來,神樂院出產嘅牛奶供不應求,修士於是喺80年代初將「十字牌」託付俾現時嘅元朗牛奶廠房,等更多市民可以飲用優質新鮮嘅牛奶,而宜家嘅神樂院剩係留低牛房遺跡。不過,當時生產嘅樽裝鮮奶同朱古力奶,只可以喺士多買到。直至80年代尾,十字牌嘅產品先正式喺大型超級市場發售。「十字牌牛奶」就系在這些修士手中樸實地孕育和推廣出來。我深信,十字牌牛奶的品牌故事也算是為一個香港早期「品牌與宣教」的精彩例子,畢竟 它賣的肯定不單止是一個產品一個味道,它還帶著他們的文化涵義和一份關愛情誼


誠然似家管理十字牌牛奶的神樂院牛奶公司雖然同昔日創辦的修士沒咩太大關係(甚至大股東已經是一間商營公司),但「十字牌」的「十字」圖像卻沒有因而被取替,某種感情和靈性投射似乎仍然隨著産品行銷過程具體地進入人們的生活和腦內。或者,這就是我常常提及的 " 品牌跨文化"吧。



品牌更新/整固 BRAND REVAMP

其實老字號也不代表作風保守,尤其佢地近年管理層有年輕新血加入,為十字牌注入不少新意,例如推出乳酪產品以及逾10種特色風味牛奶飲品。據報牛奶廠員工數目不多,架構簡單,輕裝上陣,氣氛似D大家庭,人人都可以主動提出建議,管理層覺得合理可行就可以去做,算系好充滿人情味的公司文化,因為系咁既關系,就正正能夠解釋到點解佢地系 2021年11月推出的全新廣告能如此貼地、感動人心。


十字牌《只想和你身體健康》


呢條音樂廣告短片,洗擦了各大社交平台,由藍奕邦二次創作自己20年前寫的舊歌《身體健康》,改編成《只想和你身體健康》。不得不佩服十字牌今次的廣告企劃,選角(熊仔頭/專家Dickson/Rubberband/蝦條哥 ) 、訊息一一到位,精準揣摩香港人的心理,才換來留言區內「眼泛淚光」、「見字飲奶」等回響,短片在YouTube發佈一周即突破十萬觀看次數,同時為官方Facebook新增九千個追蹤。



品牌創新 CO-BRAND

2022年 7 月 十字牌更與CASETiFY

合作推出本土味道手機殼 讓經典標誌盛載今昔不變之味

新推出的4款手提電話保護殼,設計靈感來自十字牌和十字冰室的經典品牌元素,展現獨特品牌價值之餘,設計更連繫到香港人的共同回憶



作為香港本土牛奶品牌,十字牌一直堅守將優質的乳製品分享給更多人的理念,超過60年仍初心不變。十字牌一直心繫香港,仲透過跨界別的Co-BRAND創新合作,換個方式陪伴香港人,以日常生活必備的電子產品配件每天貼身出現,夠哂貼地提醒大家要常飲奶,保持身體健康,即使時代不停進步,今昔不變的香港情懷依然常在。勁!




窩我心既系⋯⋯新推出的紙包盒奶,包裝全英文說明,大字寫「Trappist Diary Organic Milk(十字牌有機純牛奶)」,明確標示CCPB歐盟有機認證、意大利出品等字句。過去品牌的「十字」標示,則藏在了牛牛卡通的心口上,及盒奶背面的角落。單單呢分感情和靈性投射 就足以讓顧客甘心樂意地愛上。


史蒂芬

Let's be faithful ! ~

2022




35 views0 comments
bottom of page